Publicado en TIEMPU

Tiempu n’Asturies

  • A les 6:30h d’esti martes alborecemos con intervalos nubosos entemecios ente dellos claros ya con dalguna precipitación feble ya dispersa. Les temperatures tan alrodiu de los 9ºC, rexistrándose nel puirtu Payares 1ºC.
  • Güei vamos tener dalgo de nubosidá de retención empobinada pol vientu nordés que pue dexanos dalguna gotera dispersa ya ocasional con un descensu bultable de les temperatures másimes pudiendo nevar, testimonialmente, perriba de los 1500m.

  • Mañana miércoles alboreceremos con grandes claros nel cielu y xelando nel interior asturianu, no fonderu los valles ya nes zones altes de montaña. Durante’l día surdirá nubosidá estratificada na fastera central asturiana quedando al marxen el surocidente y zones altes de montaña. L’aire nordés pue soplar cafiante nel llitoral, baxando entovía más la sensación térmica.
  • El xueves vamos tener escasa nubosidá con xelaes más xeneralizaes al alborecer, mentantu que les temperatures másimes subirán dalgo gracies a la llume del sol anque l’ambiente seguirá siendo fríu en xeneral.
  • El vienres seguirán les xelaes nel alborecer pero durante’l día dirá surdiendo nubosidá media-alta y nun sedrá hasta’l sábadu cuando s’esperen delles precipitaciones pero esto yá lu diremos viendo.

 

Autor:

Maestra de Llingua Asturiana Colexu Carmen Ruiz-Tilve - Uviéu