Publicado en Sin categoría

Tiempu n’Asturies: miércoles 4

  • A les 5:30h. d’esti miércoles alborecemos con dalgún estratu nel cielu na fastera central asturiana, tando escampláu nel restu con unes temperatures que tan alrodiu de los 6ºC, rexistrándose nel puirtu Payares -0,2ºC.
  • Güei vamos tener dalgún intervalo de nubosidá, sobre too pela tarde con unes temperatures que van caltenese fríes, amás l’aire nordés pue soplar cafiante pela costa baxando entovía más la sensación térmica.

  • Mañana xueves alboreceremos col cielu poco nuboso o escampláu y xelando en dellos valles del interior y zones altes de montaña. Durante’l día la llume del sol dirá caleciendo l’ambiente con una subida llixera de les temperatures másimes.
  • El vienres va tar poco nuboso pela mañana pa dir entrando intervalos de nubes a partir del mediudía. Seguirá xelando n’alborada y subirán un pelín más les temperatures másimes.
  • El sábadu l’averamientu d’una borrasca atlántica va dir empobinando nubosidá media-alta que va ser más abondosa y desendolcada nel suroeste y cordelera, onde tendrán precipitaciones, siendo menos probables nel restu con unes temperatures n’ascensu, sobre too les mínimes.
  • El domingu l’aire ábrigu emburriáu pola borrasca atlántica va dexanos foehn al so pasu pela cordelera, faciendo que suban bultablemente les temperatures nos valles y llitoral, tamién va seguir empobinándonos nubosidá al surocidente y cordelera, onde dexará delles precipitaciones que sedrán menos probables nel restu onde la nubosidá tará entemecía ente dellos claros o abancios.

 

Autor:

Maestra de Llingua Asturiana Colexu Carmen Ruiz-Tilve - Uviéu