Publicado en Deportes

L’arquera que convirtió Colunga na capital del tiru con arcu

🏹 🏹 L’arquera que convirtió una pequeña paraxa de Colunga na capital del tiru con arcu: entama dende competiciones a terapies de grupu pa empreses. ➡️ La colunguesa María Álvarez Collada, campeona d’España de percorríos de caza, rexenta en La Llera un campu pioneru y permanente que recibe a deportistes, entama pruebes y viéndese como actividá turística. LNE

Nuna pradería apartada de La Llera, oeste interior del conceyu de Colunga, faen corru seis perdices y una enxaulada que fái les vegaes de reclamu. Esto sería una cacería si les aves nun fueren figures tridimensionales fabricaes con espluma d’alta densidá. La xunta avícola virtual forma parte d’una iniciativa empresarial pionera, que s’asitia a mediu camín ente lo turístico y lo lúdico-deportivu y arriquez la ufierta d’un agospiamientu rural encaxáu nuna escamplada de la viesca, abrigáu pol Canto de Várala y arrodiáu de monte, con un campu de tiru con arcu en 3D permanente y homologado.

Amás d’espurrir les cordures del turismu activu, Arcu Los Valles entama competiciones y entrenamientos de deportistes federaos, recibe a grupos d’empreses que busquen alternatives novedoses de team building pa desestresar a los sos trabayadores y asina la nave va.

Nun podemos quexanos, confirma María Álvarez Collada, qu’amás d’empresaria ye arquera y flamante campeona d’España de percorríos de caza con arcu nel certame celebráu precisamente equí’l mes pasáu. Tien otros títulos nacionales, en sala y al campu, y un bagaxe que lu convierte na guía ideal pola historia d’un negociu familiar singular que pue recibir nun añu, calcula, a más d’un millar d’arqueros con o ensin esperiencia previa.

Nesti llugar que casi fái frontera ente Colunga y Villaviciosa, l’arcu ayuda a desestacionalizar y a diversificar la ufierta de la casa desque, un pocu por casualidá, zarapicaron col potencial insólitu del tiru con arcu.

Enantes, de fechu, nesta finca qu’arrodia la casa familiar tamién había perdices, pero yeren de verdá. Los mios padres teníen una granxa cinexética de faisán, perdiz y falpayar, cuenta María, pero’l mio padre túvose que xubilar por enfermedá llaboral.

Na busca d’alternatives entró en xuegu un primu que practicaba col arcu y suxurió-yos que l’amplitú del espaciu que teníen en La Llera podía adaptase bien a l’actividá. Probemos, vimos futuru y pasaron catorce años, los postreros cuatro y medio col relevu en manes de María.

Ella, graduada en Filoloxía Hispánica con especialidá en llingua asturiana, empezó a tirar de bien neña de la mano del so padre, Emilio, y agora compite, entama y monta percorríos y esplica los rudimentos de l’actividá a los que s’animen a visitar la so casa atraíos pol tiru con arcu.

 

Autor:

Maestra de Llingua Asturiana Colexu Carmen Ruiz-Tilve - Uviéu