Publicado en Cine

Joseph Zada, actor de ‘Los Xuegos de la Fame’…

Joseph Zada, actor de ‘Los Xuegos de la Fame‘, sobre la so nueche de fiesta per Xixón: La música yera tan bona que toos baillaben y naide taba col teléfonu. El coprotagonista de ‘Amanecer na collecha’ visitó La Revuelta al pie de Mckenna Grace dexándonos delles anécdotes n’Asturies. Videu

La peli va llegar a cines esti próximu 20 de payares y, d’alcuerdu a les sos protagonistes, va ser una película bastante épica na que nun va ser necesariu ver toles entregues anteriores pa entendela y disfrutala. Solo quédanos esperar unos díes pa poder emitir el nuestru propiu veredictu. Los protagonistes,  namoraos d’Asturies tres del rodaxe en Somiedu: Ye un llugar bien guapu, fuimos afortunaos. RTVE /

Acabamos d’entrar en payares, un mes con dellos estrenos cinematográficos importantes. Ente ellos queremos destacar ‘Los xuegos de la fame: Amanecer na collecha’. Non solo por ser la nueva entrega d’una de les sagues d’acción, aventures y ciencia ficción más queríes de los postreros 20 años, sinón tamién porque la película rodóse n’España, concretamente en Somiedu, n’Asturies, un llugar que dexó impresionaos a los dos protagonistes del blockbuster, Joseph Zada y Mckenna Grace.

Sentíame afortunáu acaldía, anque paeza risible, porque de normal, en toes estes grandes producciones, suel haber pantalles verdes o azules.

Pero equí, acaldía que podíamos salir y contemplar too esto, como actor, facilitábame enforma’l trabayu. Yera un llugar preciosu, emponderó Joseph Zada, que va dar vida al mozu Haymitch Abernathy na nueva adaptación cinematográfica de la saga lliteraria escrita por Suzanne Collins mientres la so visita a ‘La Revuelta’ de David Broncano esti miércoles.

Pero non solu los paisaxes sorprendiéron-yos. Mckenna Grace confesó que, yá en Madrid, quedó impresionada pola so arquitectura: Yá que tuviéramos esto en Los Ánxeles o en Texas.

L’actor tamién probó’l cachopu n’Asturies
La producción, dirixida una vegada más por Francis Lawrence, pasó siquier dos meses rodando n’España, lo que dexó a los sos protagonistes conocer de cerca’l territoriu, incluyida la so gastronomía. Y ye que, mientres la so estancia n’Asturies, Joseph Zada nun pudo aguantase a probar un cachopu, anque la contundencia del platu dexólu ensin palabres: Lleva un gochu enteru ende dientro. Yera demasiáu, bromió énte la so compañera de repartida, que, anque nun llegó a probalo, sí foi testigu de la escena y coincidió con él.

Y, poques gracies, tamién tuvieron tiempu pa prestase. Joseph Zada esplicó qu’una nueche salieron per Xixón y quedó sorprendíu polo bien que baillaben los españoles: Sonaba la música y tol mundu baillaba. Naide taba mirando’l teléfonu, cuntó.

 

Autor:

Maestra de Llingua Asturiana Colexu Carmen Ruiz-Tilve - Uviéu