Publicado en Sin categoría

La convivencia ente l’osu pardu y el mediu rural

La convivencia ente l’osu pardu y el mediu rural centra l’alderique sobre’l futuru de la especie.

Espertos y representantes del sector agroganaderu analicen n’Uviéu los retos de caltenimientu del osu.

El presente y futuru del osu pardu cantábricu alderícase güei na Cámara de Comerciu d’Uviéu, nuna xornada na que participen conservadores, investigadores, representantes institucionales y del sector agroganaderu.

Ún de los temes más revesosos ye la coesistencia d’esta especie colos humanos nel mediu rural. Mientres los conservadores destaquen l’impactu económicu positivu del osu, el sector agroganaderu pide que s’estudien midíes de control pa evitar conflictos.

Anque sigue en peligru d’estinción, la situación del osu pardu cantábricu ye positiva, pasando de menos de 70 exemplares a finales del sieglu XX a los 400 que se contabilicen anguaño.

El caltenimientu d’esta especie encara distintos retos de futuru, ún de los más importantes ye la coesistencia colos humanos nel mediu rural.

A pesar del alderique, los investigadores destaquen los beneficios económicos de la presencia del osu.

Según los espertos, sopelexar y informar a la población sobre cómo actuar énte l’osu son les claves pa una futura convivencia afayadiza con esta especie.

Conservadores, investigadores y sector agroganaderu alderiquen sobre la coesistencia ente osu pardu y ser humanu.

Autor:

Maestra de Llingua Asturiana Colexu Carmen Ruiz-Tilve - Uviéu