Esperamos una xornada marcada por fuertes vientos de componente sur nel cordal y más moderaos nel restu de la rexón. L’Axencia Estatal de Meteoroloxía va tener activáu l’avisu mariellu por fuertes vientos nel cordal que podríen algamar los 90 km/h. Esta situación va dexar abondosa nubosidad nel terciu sur asturianu onde van dexar bastios, y nubes de tipu mediu y alto con menor importancia nel restu del Principáu.
- A les 6.30h d’esti llunes, alborecemos col cielu empuercáu de nubes medies y altes ya con unes temperatures que tan alrodiu de los 18ºC, amás sopla con fuercia l’aire ábrigu na cordelera y valles averaos, rexistrándose nel puirtu Payares 8,5ºC onde ta lloviendo.
- Güei vamos tener el cielu nuboso con delles precipitaciones na fastera surocidental ya cordelera, siendo poco probables nel restu con unes temperatures n’ascensu por mor del vientu ábrigu que va provocar l’efeutu foehn al pasu pela cordelera.
- Mañana martes seguiremos baxo la influencia d’una borrasca atlántica que va quedar estática delantre de les costes gallegues. Dirá empobinándonos sucesivos frentes pero que solu afeutarán a la fastera surocidental ya cordelera, nel restu d’Asturies tará’l cielu empuercá de nubes medies y altes con unes temperatures mui suaves pa la época na que mos atopamos.
- El miércoles vamos tener un tiempu mui asemeyáu con vientu ábrigu, temperatures altes y nubosidá más abondosa na fastera surocidental ya cordelera onde van tener dalguna precipitación.
- Paez que’l xueves la borrasca tenderá a cruzar la península, dexando precipitaciones xeneralizaes al so pasu con un descensu de les temperatures pero esto yá lu diremos viendo.
