Publicado en Aniversariu, Astronomía, Ciencia, Día de...

Día de Carl Sagan, pioneru de l’astrobioloxía moderna

Carl Sagan, astrónomu, astrofísico y pioneru de l’astrobiología moderna, foi una de les figures más relevantes na divulgación científica del sieglu XX.

«La escritura ye quiciabes el más grande
de tolos inventos de la humanidá,
xunendo a persones de dómines alloñaes,
que nunca se conocieron»

Más qu’un científicu, foi un divulgador escepcional que camudó la nuestra forma de ver l’universu. Con proyectos como Cosmos, llogró conectar la ciencia cola poesía de les estrelles, enseñándonos a mirar el cielu con plasmu y interés. Llibru

Pa pequeñes criatures como nós, la inmensidá
ye soportable namás al traviés del amor.

Carl Sagan dedicó la so vida a averanos l’universu y amosar cómo la nuestra esistencia ta conectada con tolo que nos arrodia.

Averiguamos que vivimos nun insignificante planeta
d’una triste estrella perdida nuna galaxa
metida nuna esquina escaecida d’un universu
nel qu’hai munches mas galaxes que persones.

 El so trabayu inspiró a xeneraciones a curiar el planeta y asumir un rol activu nel so caltenimientu 💪💚 Videu

Escritor reconocíu poles sos investigaciones sobre’l sistema solar y la posibilidá de vida estraterrestre. Al traviés de la so serie Cosmos y les sos publicaciones, averó la conocencia científica a millones de persones y promovió’l pensamientu críticu y l’esploración espacial. Finó en 1996.

 

Una de les llecciones más tristes de la historia ye esta: si nos engañaron el tiempu abondu, tendemos a refugar cualquier evidencia de dichu engaño. Yá nun tamos interesaos ​​en descubrir la verdá. L’engañu prindónos.

¿Qué mensaxe unviaría la humanidá escontra l’espaciu interestelar si tuviera una única oportunidá de presentase énte otra civilización? Carl Sagan diseñó esa respuesta.

Nacíu nel distritu de Brooklyn, Nueva York, el 9 de payares de 1934, Sagan doctoróse n’astronomía y astrofísica na Universidá de Chicago en 1960 so la dirección de Gerard Kuiper y en 1968 incorporóse como profesor titular y director del Llaboratoriu d’Estudios Planetarios de la Universidá de Cornell.

Les sos primeres investigaciones demostraron que les altes temperatures de la superficie de Venus respondíen a un efectu invernaderu a escala planetaria y que los cambeos estacionales de color en Marte obedecíen a nubes de polvu impulsaes pol vientu y non a variaciones de vexetación.

Asesoró a la NASA dende la so creación. Participó na planificación y instrucción de los astronautes del programa Apolo y nes misiones robótiques Mariner, Viking, Voyager y Galiléu, amás de concebir al pie de Frank Drake les plaques grabaes de les sondes Pioneer 10 y 11 y presidir el comité qu’escoyó los soníos y imáxenes del Discu d’Oru de les naves Voyager en 1977.

Autor de más de 600 artículos científicos y d’una ventena de llibros, en 1978 llogró’l Premiu Pulitzer de Non Ficción pola so obra Los dragones del Edén. En septiembre de 1980 estrenó al pie de la so esposa Ann Druyan y el astrofísico Steven Soter la serie documental de trece episodios Cosmos: un viaxe personal, producción televisiva que foi emitida en 60 países y algamó una audiencia superior a los 500 millones d’espectadores enantes del so fallecimientu en Seattle el 20 d’avientu de 1996.

«El nuestru planeta ye bien fráxil, hai que tratalo con ciñu […] La Tierra ye un llugar más bellu pa los nuestros güeyos que cualesquier que conozamos. Pero esa guapura foi esculpida pol cambéu: el cambéu suave, casi imperceptible, y el cambéu repentín y violentu. Nel cosmos nun hai llugar que tea a salvo del cambéu».

“Cuando los nuestros xenes nun pudieron almacenar tola información necesaria pa sobrevivir, inventámoslos. Pero depués llegó’l momentu, seique fái diez mil años, en que precisábamos saber más de lo que podía caber convenientemente nel celebru. Entós aprendimos a almacenar enormes cantidaes d’información fora de los nuestros cuerpos.

Somos la única especie nel planeta, hasta onde sabemos, qu’inventó una forma de memoria comunitaria que s’almacena más allá de los nuestros xenes. L’almacén d’esta memoria llámase biblioteca. Un llibru ta fechu d’un árbol. Míreslu y vas escuchar la voz d’otra persona, seique daquién que tuvo muertu mientres miles d’años. A lo llargo de milenios, l’autor tuvo falando, clara y silenciosamente, dientro de la to cabeza, directamente a ti.

La escritura ye quiciabes el mayor de los inventos humanos, que xune a persones, ciudadanos de tiempos alloñaos que nunca se conocieron. Los llibros ruempen les cadenes del tiempu, prueba de que los humanos puen facer maxa.”

Ye imposible pensar nuna humanidá sana con un planeta enfermu 💚🌍Si nun protexemos agora’l planeta, nun tien sentíu facer planes pal futuru.

#efemèride #CarlSagan #efemèrides #taldiacomavui #tempseratemps #CarlEdwardSagan

Autor:

Maestra de Llingua Asturiana Colexu Carmen Ruiz-Tilve - Uviéu