Rafa Nadal llanzó un mensaxe a les nueves xeneraciones nuna entrevista concedida al diariu francés Le Figaro. El extenista español reflexonó sobre la cultura del esfuerzu, la constancia y l’importancia de trabayar duru p’algamar oxetivos, cuestionando la inmediatez cola que, al so xuiciu, dellos mozos esperen consiguir resultaos. «Les coses que son verdaderamente importantes lleven el so tiempu, nun lleguen asina como asina», señaló.
El ganador de 22 títulos de Grand Slam considera que les nueves xeneraciones cunten con más oportunidaes que les anteriores, pero alvierte de qu’eso nun tien de confundise cola posibilidá de consiguilo tou ensin sacrificiu. «Quiciabes hai que volver enseñar a la nueva xeneración que, pa facer bien les coses, hai que trabayar duru», reivindicó Nadal, que tamién defendió’l papel de les derrotes y les dificultaes como parte de la crecedera personal. «Nes derrotes y nes victories faes más fuerte, descubres la persona que yes», añedió.