Relevu de 800 visitantes na mina d’internet d’Anne Horel: esitosu primer mes de la esposición de l’artista francesa nel pozu Santa Bárbara. El Conceyu destaca l’afluyencia de moces y l’ésitu de les visites empuestes, coles places casi escoses pa payares. LNE
Anne Horel ta trunfando nel pozu Santa Bárbara. El Conceyu de Mieres, al traviés de la conceyalía de Cultura que dirixe Nuria Ordóñez, informa de que más de 800 persones disfrutaron yá de Data Fossils.
- Pozu Santa Bárbara (PZSB). Centru d’Intervenciones Artístiques
- Del 16 d’ochobre del 2026 al 7 de xineru del 2027
- Horarios de visita: Miércoles, xueves y vienres de 16:30 a 21:00h./Sábados, domingos y festivos de 11:00 a 14:00h. y de 16:30 a 21:00h
- (Entrada llibre y gratuita. ATENCIÓN: Pa les visites empuestes ye imprescidible la inscripción previa)
Diariu d’una internauta nel so primer mes d’apertura na antigua mina, güei convertida en centru cultural. L’artista francesa propón asomarse a internet como xacimientu estratificado de la cultura dixital, con un percorríu llenu d’humor, saturación y escesu que va de la superficie de la pantalla a lo que queda ocultu so ella. Tou al traviés d’un universu propiu nel que la cultura pop ocúpalu too y que nos anima a disfrutar y tamién a reflexonar sobre redes sociales, IA y sobre cómo tollo pue tresformar la nuestra relación cola realidá y la verdá, espliquen los organizadores.
L’amuesa, pal Gobiernu local, ta siendo un ésitu: Ta atrayendo a munchos visitantes, que disfruten de la nueva propuesta impulsada pola conceyalía de Cultura y L.Y.V. (Llaboratoriu d’Electrónica Visual) pal primer pozu mineru declaráu Bien d’Interés Cultural (BIC) nel nuestru país, tresformáu agora nun gran centru d’esperiencies artístiques. Un espaciu que se convierte tamién en protagonista de cada esposición, auniendo arte y patrimoniu en caúna de les intervenciones artístiques qu’acueye, indiquen.
Ordóñez apuntó que tamos de verdá bien emocionaos pola increíble acoyida que tuvo esta esposición, y especialmente l’interés de la xente más nueva, porque elles y ellos son los que más esperimenten l’impactu de la IA nel so día a día.
Amestó que tamién desatapamos una realidá invisible pero urxente, que ye la enorme buelga dixital y ecolóxica qu’estes tecnoloxíes dexen nel nuestru planeta, dende’l consumu d’agua hasta la enerxía que precisen estos centros de datos. Ver a les nueves xeneraciones interesase, cuestionar y comprometese con un futuru dixital más consciente ye lo más maraviyoso d’esta esperiencia, atayó’l titular de Cultura.
