El fiscal alvierte que los ataques a profesores puen acarretar hasta cuatro delitos. Los centros educativos yá tomaron midíes de concienciación y disciplinaries contra los que realicen posibles delitos qu’afectaríen a compañeros y profesores en redes sociales.
La Fiscalía asegura qu’hai casos que nun son simples caricatures inocuas sinón casos que podríen entrar dientro de les tipificaciones penales.
Aseguren que cada vegada los que realicen estes conductes son de menor edá, supongo que ye debíu a la incursión del móvil a edaes tempranes. Por tanto pregunto qué papel tienen los padres si los agresores son menores.
El fiscal cimeru d’Asturies asegura qu’ente los casos unviaos detectaron cuestiones que nun son simples caricatures que nun dañen sinón posibles fechos delictivos, en dellos casos xeneraos con intelixencia artificial, que podríen acarretar dellos tipos de condenes, apunta Gabriel Bernal del Castillo, fiscal cimeru d’Asturies.
Gabriel Bernal del Castillo asegura que les publicaciones son feches dende cuentes anónimes, anque les investigaciones rellacionáronles con menores. Dellos centros educativos de llugares como La Corredoria o Grau yá denunciaron estes práctiques y tomaron midíes pa reconducir estes conductes non afayadices feches cada vez a edaes más tempranes, apunten Daniel Menéndez, director del IES César Rodríguez y Antón Lombardero, director del IES Ramón Areces.
Por ello tamién la Conseyería va formar al profesoráu y a los alumnos pa detectar estos casos y conocer cómo actuar énte aquellos casos que se consideren graves. La fiscalía va tramitar y va examinar les denuncies d’alumnáu y profesores que se faen por estos ataques en redes sociales.
