- A les 6.30h d’esti vienres alborecemos ente’l borrín y la nublina con unes temperatures que tan alrodiu de los 10ºC, rexistrándose nel puiertu Payares 5,7ºC onde ta lloviendo.
- Güei les precipitaciones van dase na fastera surocidental ya cordelera, siendo poco probables nel restu, onde va caltenese el cielu nuboso ente borrinos ya nublines con unes temperatures en llixeru descensu ya col aire que sedrá sele ya variable en xeneral.
- Mañana sábadu alborecemeros con lluvia en munches zones d’Asturies pero con tendencia a dir remitiendo y abrise dellos claros o abancios a partir del mediudía con unes temperatures en llixeru ascensu ya col aire que seguirá siendo sele ya variable.
- El domingu entamará a soplar vientu ábrigu faciendo que suban les temperatures, sobre too pela tarde onde les raches puen ser fuertes na cordelera y zones altes con una mañana más seliquina ente nubes ya claros aumentando la nubosidá pela tarde onde tendremos dalguna precipitación, sobre too na fastera surocidental y cordelera.
- El llunes ya martes l’aire sedrá’l fenómenu meteorolóxicu más destacáu con raches mui fuertes , sobre too na cordelera onde puen algamar los 80km/h, seguirá lloviendo na fastera surocidental ya cordelera y les temperatures subirán bultablemente por mor del efeutu foehn que fae’l pasu peresta.