Publicado en Igualdá, Valores

Educar en igualdá…

#𝟮𝟱𝗡 n’Uviéu. «Educar n’Igualdá ye enseñar que’l respetu y el consentimientu son imprescindibles» ye’l lema de la campaña, qu’inclúi casi 40 actividaes. www.oviedo.es/noticias

El respetu y l’igualdá, aseguró, «nun son namás valores que tengamos de defender nos nuestros discursos, sinón principios que tienen que tar presentes na nuestra forma de rellacionanos, d’educar y de convivir. El respetu significa reconocer la dignidá de cada persona, aceptar les sos diferencies y entender que naide tien derechu a controlar, humildar, amedranar o someter a otra persona. La igualdá significa garantizar que muyeres y homes tengan los mesmos derechos, les mesmes oportunidaes y les mesmes llibertaes».

«Dambos principios son complementarios y indixebrables. El respetu implica reconocer la dignidá y los derechos de toles persones, y l’igualdá garantiza que puedan exercelos nes mesmes condiciones. Solo dende la unión de dambos valores podemos construyir una sociedá xusta y una convivencia verdaderamente llibre. Y precisamente estos son los valores que tienen de constituyir la base de la llucha contra la violencia de xéneru»

Autor:

Maestra de Llingua Asturiana Colexu Carmen Ruiz-Tilve - Uviéu