Publicado en Concursu, Fotografía

Concursu internacional más importante de fotografía panorámica

Dos fotógrafos españoles ganen el concursu internacional más importante de fotografía panorámica. Photolari
© Daniel Viñé Garcia

Dos españoles consiguieron los galardones más destacaos de los Epson International Pano Awards, ún de los grandes escaparates de la fotografía panorámica mundial. El fotógrafu Daniel Viñé alzóse col títulu Open Photographer of the Year 2026, ente que Tomás Sánchez Ruiz consiguió la reconocencia de Amateur Photographer of the Year 2026.

La imaxe de Viñé, el gran protagonista d’esta edición, titulada The Sleeping Giant, amuesa’l volcán Parinacota en Chile, un monte que supera los 6300 metros d’altitú y qu’apaez acompañada de la so vecina Pomerape de más de 6200 metros. La fotografía ye una panorámica aérea de 360 graos construyida a partir de 33 esposiciones individuales. Viñé García prindó la escena mientres los últimos intres del atapecer, cuando la lluz foi tresformando progresivamente el paisaxe hasta tiñilo con diferentes tonos magenta.

El fotógrafu -del que yá vos falemos n’otros concursos como’l Milk Way Photographer of the Year– esplicó que dempués de realizar la panorámica decidió afacer l’encuadre pa centrar la composición nos volcanes y les formes del paisaxe.

Viñé tamién destacó na categoría Open Nature y Landscape con otres dos fotografies: Cathedral of Starlight (Puna Arxentina) y My perfect Night (Catamarca). Tamién consiguió’l Raw Planet Award.

La segunda reconocencia española foi’l de Tomás Sánchez Ruiz, que ganó’l Amateur Photographer of the Year con Double Arch Over Stokksnes, una fotografía disparada n’Islandia. Nella podemos ver un paisaxe nevao so una aurora boreal na sablera de Vestrahorn.

 

Lo interesante ye que les condiciones nun paecíen especialmente favorables pa fotografiar el fenómenu aquella nueche. Según cuntó Sánchez, el pronósticu d’aurores nun yera demasiáu bonu. Sicasí dende’l so hotel puedo ver una rellumada verde nel cielu. Al llegar al llugar atopó’l sable negru dafechu cubierta por una capa de nieve recién cayida y l’aurora nel cielu. Un escenariu increíble que se convirtió nel marcu perfectu pa les sos fotografíes.

En total, el certame rexistró 4.084 imáxenes, lo que supón una medría de 19% respectu al 2025. La competición estrémase en dos modalidaes Open y Amateur, dambes con diferentes categoríes.

Autor:

Maestra de Llingua Asturiana Colexu Carmen Ruiz-Tilve - Uviéu