Publicado en Aniversariu

1851: Moby-Dick publícase n’Estaos Uníos

El 14 de payares de 1851, la editorial Harper and Brothers publicó en Nueva York Moby-Dick; or, The Whale, la novela de Herman Melville que se convertiría nuna de les obres centrales de la lliteratura estadounidense. La novela combina’l relatu d’aventures marítimes con capítulos técnicos sobre la caza de ballenes, meditaciones filosófiques, escenes teatrales y una indagación sobre la obsesión, el destín y la violencia de la esplotación industrial.

Más qu’una historia sobre la caza d’un cachalote xigante, Moby Dick ye un viaxe fondu sobre’l destín, la naturaleza y les llendes de l’ambición humana. Un llibru indispensable que tou llector tendría d’enfrentar siquier una vegada.

La primer edición británica apaeciera’l 18 d’ochobre de 1851 en Londres, publicada por Richard Bentley sol títulu The Whale y en trés volumes; la edición estadounidense salió nun solu tomu y col títulu definitivu.

La historia sigue al narrador Ishmael, que s’embarca nel balleneru Pequod sol mandu del capitán Ahab, encegoláu con prindar a una ballena blanca qu’enantes-y destruyó una pierna. 

Na so dómina, el llibru nun tuvo un ésitu comercial notable y la carrera de Melville decayó mientres décades. La so revalorización empezó a empiezos del sieglu XX, cuando críticos y escritores reconocieron na obra una de los cumes de la novela moderna.

Autor:

Maestra de Llingua Asturiana Colexu Carmen Ruiz-Tilve - Uviéu