Publicado en Montes, Semeyes

Arcu Triple a 4.200 m, d’Angel Fux

La astrofotógrafa suiza Angel Fux  https://www.angelfux.com soportó temperatures d’hasta −28 °C a más de 4,200 metros d’altor nos Alpes pa prindar una espectacular panorámica de la Vía Llactea. 📸 En marzu, llogró rexistrar una estraordinaria escena del cielu nocherniegu que darréu reconstruyó per aciu la combinación de más de 260 esposiciones fotográfiques.

✨ El resultáu foi tan impresionante que la NASA reconoció’l so trabayu al escoyelo como Imaxe Astronómica del Día.

Arcu Triple a 4.200 m

Tomó meses de planificación, trés nueches d’aclimatación a 3.100 m, una ventana que casi sumió dos vegaes pol vientu, un feriáu bancariu que dexó en tierra a los helicópteros, un pilotu atopáu nel últimu minutu del llau italianu de la frontera, temperatures alredor de -25 °C, una nueche que se punxo más airosa, y cuarenta hores d’edición con un procesu que nunca usara enantes.

Lo que propunxi prindar yera’l doble arcu de la Vía Llactea, la única nueche del añu en que dambos brazos de la Vía Llactea son visibles sobre l’horizonte. Primero l’arcu d’iviernu, depués l’arcu de branu que lleva’l núcleu galácticu, dende un cume con vista al Matterhorn que casi naide ve enxamás.

Lo que nun entamé foi’l Gegenschein, un raru contrarresplandor causáu pol polvu interplanetariu que reflexa la lluz solar, apaeciendo como un tercer arcu tenue que crucia l’encuadre. Un arcu triple, a la fin.

La imaxe final ye un panorama rastrexáu construyíu a partir de más de 260 esposiciones individuales: 17 paneles pal arcu d’iviernu y 16 pal arcu de branu, cada panel un amontonáu de 4 fotogrames a 40 segundos, suplementado con datos de H-alpha, más 32 tomes de paisaxe al tapecer náuticu. La carpeta de trabayu llegó a unos 300 GB.

Autor:

Maestra de Llingua Asturiana Colexu Carmen Ruiz-Tilve - Uviéu