La Selmana Europea de la Prevención de Residuos (EWWR) 2026 va celebrase nuna trentena de países del 21 al 29 de payares, col focu temáticu na suficiencia material y el lema Cada elección importa, ¡VALORA los recursos!. Web / La edición d’anguaño convida a repensar los modelos de producción y consumu pa garantizar el bienestar humano ensin sobreexplotar los recursos del planeta.
Un eventu añal pa concenciar de la necesidá del compromisu colectivu escontra la xestión sostenible de residuos.
Les actividaes puen incluyir charres, talleres, llimpieces comunitaries y acciones educatives empobinaes a amenorgar, reutilizar y reciclar.
Inscripción d’acciones: El plazu xeneral pa rexistrar actividaes permanez abiertu hasta’l 15 de payares al traviés de la plataforma de Cogersa (n’Asturies) y otros coordinadores rexonales.
Acción común pa conceyos: Los conceyos asturianos teníen un plazu especial que remató’l 29 d’ochobre pa participar cola carpa itinerante titulada El planeta lleva les cuentes, ¿y tu?.
Según apunta la Comisión europea, los envases suponen el 36% de los residuos que xeneramos, asina como el 40% de los plásticos y el 50% del papel utilizaos na Unión Europea destínense a la fabricación d’envases.