Publicado en Día de..., Mensaxes

Día del llibru: Mensaxe de la UNESCO

 ¿Por qué la llectura ye más importante agora que nunca?

Más que nunca, nun momentu nel que la mayoría de les escueles de too el mundu tán cerraes y tenemos de quedanos en casa, podemos usa el poder de la llectura para combatir l’aislamientu, estrechar los venceyos ente les persones, espandir los nuesos horizontes, al empar qu’aguiyamos les nueses mentes y la nuesa creatividá.

Mientres el mes d’abril y mientres tol añu, ye fundamental tomase’l tiempu pa lleer solu o colos neños. Ye un motivu pa celebrar la importancia de la llectura, fomentar la crecedera de los neños y neñes como llectores y promover l’amor a la lliteratura.

Al traviés de la llectura y la celebración d´esti día podemos abrinos a los demás a pesar de la distancia, y viaxar gracies a la imaxinación.

Del 1 al 23 d’abril, la UNESCO va compartir cites, poemes y mensaxes pa simbolizar el poder de los llibros y fomentar la llectura.

El Día Mundial del Llibru y del Derechu d’Autor  ye xuna celebración pa promover l’esfrute de los llibros y de la llectura. Cada 23 d’abril, asocédense
celebraciones en tol mundu pa dar a conocer el poder máxico de los llibros –un nexu ente’l pasáu y el futuru, una ponte ente xeneraciones y distintes
cultures…

Proclamada pola Conferencia Xeneral de la UNESCO en 1995, esta fecha simbólica de la lliteratura universal coincide cola de la desapaición de los escritores W. Shakespeare, Miguel de Cervantes y l’Inca Garcilaso de la Vega. Esti día rinde homenaxe a los llibros y a #el autores y fomenta l’accesu a la llectura pal mayor númberu posible de persones. Tescendiendo les fronteres físiques, el llibru representa xuna de les invenciones más belles pa compartir idees y encarna un preséu eficaz pa lluchar contra la probeza y construyir una paz sostenible.

La UNESCO sofita la creatividá, la diversidá y l’igualdá d’accesu a la conocenciasobremanera al traviés de la so Rede de Ciudaes Creatives de la Lliteratura, la promoción de l’alfabetización, l’aprendizaxe móvil y el llibre accesu a los conteníos científicos y los recursos educativos.

Información de la UNESCO

Construir la paz en la mente de los hombres y de las mujeres

Autor:

Maestra de Llingua Asturiana Colexu Carmen Ruiz-Tilve - Uviéu