El 24 de mayu celebra’l Día Européu de los Parques Naturales. ¿Sabes por qué? Porque foi’l 24 de mayu de 1909 cuando se declararon en Suecia los primeros parques naturales n’Europa. Para conmemorar esi día, la Federación EUROPARC, organización paneuropea creada en 1973 qu’axunta a instituciones dedicaes al caltenimientu de la naturaleza y a espacios naturales protexíos de 38 países, promueve dende 1999 la celebración del Día Européu de los Parques . La tema para 2020 ye: “La Naturaleza, bona para la to salú” y anímase a tolos espacios protexíos d’Europa y a toles entidaes que quieran sumase, a realizar actividaes.
España foi unu de los primeros países del mundu n’aprobar una llei de Parques Nacionales en 1916. Na actualidá, cuntamos con 15 Parques Nacionales con una estensión protexida de más de 372.000 hectáree.
N’Asturies , no referente a los Parques Naturales atópense declaraos el Parque Natural de Somiedu (afectando dicha protección namá al conceyu de Somiedu), el Parque Natural de Redes (qu’inclúi a los conceyos de Casu y Sobrescobiu), el Parque Natural de les Fontes del Narcea, Degaña y Ibias y el Parque Natural de Ponga (propuestu nel PORNA como parte integrante del Parque Natural de Redes). Amás nel añu 2006 fíxose efectiva la declaración del Parque Natural de Les Ubiñas-La Mesa (qu’inclúi los territorios propuestos nel PORNA como Paisaxe Protexíu de Peña Ubiña y parte de los propuestos como Parque Natural de Somiedu).
Parques Naturales:
- Somiedo Descargar Parque Natural de Somiedo (PDF:392 Kb)
- Redes Descargar Parque Natural de Redes (PDF:316 Kb)
- Ponga Descargar P. N. de Ponga (PDF:255 Kb) ver videu
- Las Ubiñas-La Mesa Descargar P. N. de Las Ubiñas-La Mesa (PDF:394 Kb)
- Fuentes del Narcea Descargar Ficha del P. N. de Fuentes del Narcea (PDF:175 Kb)