Publicado en Día de...

Día Internacional de la Diversidá Biolóxica

“Nueses soluciones tán na naturaleza” 

La perda de la biodiversidá ye una perda para la humanidá

Entendemos por biodiversidá l’amplia variedá de plantes, animales y microorganismos esistentes, pero tamién inclúi les diferencies xenétiques dientro de cada especie -por casu, ente les variedaes de cultivos y les races de ganáu-, según la variedá d’ecosistemes (llagos, montes, desiertos, campos agrarios,…) qu’alluguen múltiples interacciones ente los sos miembros (humanos, plantes, animales) y la so redolada (agua, aire, suelu…)

Los recursos biolóxicos son les pilastres que sofiten les civilizaciones. Los pexes apurren el 20% de les proteínes animales a unos 3 000 millones de persones. Más del 80% de la dieta humana ta compuesta poles plantes. Aprosimao, el 80% de les persones que viven nes zones rurales de los países en desenvolvimientu, dependen de melecines tradicionales basaos en plantes pa l’atención básica de la salú.

La estinción d’especies amenacia non solo a la naturaleza, sinón a la humanidá mesma. Tolos seres vivos, incluyíos los humanos, dependen de la biodiversidá y los recursos naturales qu’apurre.

La Biodiversidá n´España (calca */imáxen y descárgala grande)

Esti Día Mundial pretende tamién destacar la importancia d’establecer los Oxetivos de Desenvolvimientu Sostenible (ODS) para’l periodu 2015-2030, una vegada rematáu los Oxetivos de Desenvolvimientu del Mileniu (ODM). En concretu, l’Oxetivu 15 pasa por “promover l’usu sostenible de los ecosistemes terrestres, lluchar contra la desertificación, detener ya invertir la degradación de les tierres y frenar la perda de la diversidá biolóxica”.

Nel Día Internacional de la Diversidá Biolóxica somorguiámonos na mar pa conocer el Cañón d’Avilés, consideráu’l más fondu del mundu.  🌊🌊🌊 Un conteníu ufríu pola Estaya de la Llingua d’Avilés. Ver videu.

Autor:

Maestra de Llingua Asturiana Colexu Carmen Ruiz-Tilve - Uviéu