Alice Munro: wiki / semeyes / Artículo / Todo literatura /
“Lo importante ye ser feliz –dixo él-. Nun importa cómo. Namá inténtalo. Tu puedes. Cada vez ye más fácil. Nun tien nada que ver coles circunstancies. Nun creeríes lo bono que ye. Acepta tou y depués, la traxedia sume. O la traxedia allúmate, sía comoquier, tas xusto ende, pasando llixeru pel mundu”.
Alice Munro | “La mio vida querida” (2012)
Acabamos d’enteranos del fallecimientu de la gran autora canadiense Alice Munro, Premiu Nobel de Lliteratura de 2013. Destacó, sobremanera, polos sos cuentos, que-y valieron l’aplausu de la crítica pol so realismu, personaxes y estilu directu, al puntu que se-y consideró una de les más directes sucesores d’Antón Chéjov. N’Hermeneuta queremos recordala con esti fragmentu de “La mio vida querida”, una colección de cuentos –anque tamién incluyó una parte autobiográfica- onde demostró la so orixinalidá y la so capacidá para sosprender al llector. Tamién, una de les mayores característiques de la so prosa: lléese como si fuera poesía. Quédanos la so maxa. Fuelgue en paz.
