¡Arranquen los Xuegos Olímpicos #París2024
con notable participación asturiana! 
Hasta ellí desplazóse la conseyera de Deporte,Vanessa Gutiérrez, pa tresmitir a los y les deportistes olímpiques asturianes l’apoyu del Gobiernu d’Asturies y reconoce-yos l’enorme esfuerzu y toa una vida de dedicación nes diferentes disciplines deportives.
«Deseyamos que lleves con arguyu’l nome d’Asturies mientres la to presencia nos Xuegos. Asturies ye la nuesa tierra, de la que toos nos sentimos arguyosos», reza la carta de la Familia empobinada a los deportistes.
«Asturies cuenta con una estraordinaria representación de deportistes, equipu técnicu y xueces nestos Xuegos que son un arguyu y un exemplu d’espíritu deportivu y valores a los que tresmitimos tol ánimu y apoyu, col deséu de que disfruten intensamente esa esperiencia única na que los siguimos con enorme emoción»
Atletismu: Bárbara Camblor y Iñaki Cañal
Balonmano: Abel Serdio
Boxéu: Laura Fuertes
Fútbol: Lucía García, María Méndez (reserva) y Diego López
Hípica: Sergio Álvarez
Hockey: María López
Natación: Arbidel González
Piragüismu: Sara Ouzande
Tenis: Pablo Carreño
Volei playa: Daniela Álvarez
La conseyera tamién deseó suerte al K4 qu’entrena nel CTD de Tresona: Saúl Cravioto, Marcus Cooper, Rodrigo Germade y Carlos Arévalo.
Vanessa Gutiérrez, acompañada de la directora xeneral d’Actividá Física y Deporte, Manuela Fernández, reunióse con dalgunos de los asturianos y asturianes que yá tán na capital francesa pa tresmiti-yos ánimu y l’arguyu de tenelos nos Xuegos de París 
