- Fonte: RTPA /
Los tres conceyos de los Ozcos -Vilanova, Santalla y Samartín- van allugar los próximos 6, 7 y 8 de setiembre los actos qu’entama’l Principáu pa celebrar el Día d’Asturies.
La vicepresidenta del Gobiernu rexonal, Gimena Llamedo, y el director xeneral de Retu Demográficu, Marcos Niño, xunto colos alcaldes anfitriones, presentaron esti xueves el programa d’actividaes gratuites que cada día va acoyer unu de los conceyos, tituláu ‘Reflexu de la nuesa identidá’. Ye la primer vegada que’l Día d’Asturies faise en tres conceyos, nesti casu los mesmos qu’en 2016 xuniéronse pa llograr el premiu al Pueblu Exemplar d’Asturies.
