- Fonte: NGespañol /
Munches de les práctiques que se creen mesmes de los humanos, en realidá, yá fueren executaes por otros homínidos fai miles d’años. Los neandertales (Homo neanderthalensis) fueron un grupu d’antiguos homínidos que surdieron fai siquier 200 mil años, mientres la dómina del Pleistocenu. Habitaron Eurasia y, según los rexistros, vivieron sobremanera en covarones.
Cuando estos seres fueron descubiertos, en 1856, amplióse la hestoria de los seres humanos. Llegar a esi puntu nun foi senciellu, yá que hubo enforma alderique en redol a si teníen de tomase les muertes d’esos homínidos como prueba d’una especie distinta. Sicasí, tres delles investigaciones y afayos, determinóse que los neandertales conformen parte de los nuesos parientes más cercanos.
- Los especialistes na tema sostienen que los neandertales yá cuntaben cola capacidá para fabricar ferramientes que-yos dexaren cazar y matar a distancia.
- Los neandertales soterraben a los sos muertos, curiaben a los sos enfermos, cosíen pieces pa vistir, faíen preseos musicales y, bien probablemente, teníen un llinguaxe oral.
- A toes estes amueses de desenvolvimientu nesos homínidos, tenemos que sumar daqué más. Según l’arqueólogu Wil Roebroeks, de la Universidá de Leiden, fai unos 125 mil años estos parientes humanos tresformaron xuna zona montiega, que bordiaba dos llagos centroeuropeos, nun paisaxe relativamente abierto.
El sustentu de l’aseveración de Wil Roebroeks y el so equipu d’investigación fuelga en dellos analises de carbón vexetal, polen, fósiles d’animales y otros materiales topaos en cuenques llacustres d’Alemaña. Gracies a esos trabayos, los especialistes llograron pruebes de que los neandertales yá modificaren la so redolada a conveniencia de les sos necesidaes. L’estudiu correspondiente foi publicáu en Science Advances.
La hestoria de los homínidos reescríbese. Hasta antes d’estes investigaciones pensábase que l’agricultura pudo empezar fai 10 mil años, faciendo cambeos nos espacios naturales pa realizar les actividaes de supervivencia de los humanos.
