Nun hai nengún otru llugar del mundu qu’axunte so un mesmu techu tantos cuadros de Vincent Van Gogh. La colección componse de 200 llenzos, 500 dibuxos y 750 documentos escritos. Xuntos, ufierten una escelente imaxe de la so vida y la so obra.
El muséu, dedicáu por completu a Vincent Van Gogh, ye unu de los más queríos y frecuentaos d’Ámsterdam, y recibe más d’un millón y mediu de visitantes al añu.
Esibe alredor de 200 pintures y 500 dibuxos del xenial y desdicháu pintor holandés xuntu con un conxuntu de cartes escrites de la so mano, fotografíes rares y una colección de grabaos xaponeses, bien apreciaos por Van Gogh.
Equí tamién puedes almirar una selección d’obres d’artistes coetaneos como Corot, Pissarro, Millet, Manet, Gauguin o Toulouse-Lautrec.
