Alarma na sablera de San Llorienzo dempués de que nos últimos díes apaecieren na badea de Xixón numberoses aguamales de grandes dimensiones. Trátase d’exemplares de ‘rhizostoma luteum’, que nun son venenoses pero que los sos tentáculos tienen célules urticantes, polo que pueden causar molesties a los bañises. VIDEU
Mientres la baxamar, rexistrada güei domingu en redol a les 13.30 hores, delles d’estes aguamales quedaron varaes na vera. Foi ende cuando los numberosos usuarios del arenal, qu’esfrutaben d’un domingu eminentemente veraniegu, pudieron comprobar de barganal les enormes dimensiones d’estos celentéreos. Dalgunos algamaben un metro de llargor.
L’apaición d’aguamales nel mar Cantábricu cada vez ye más habitual poles variaciones de temperatura. Les que güei poblaron San Llorienzo suelen habitar nel océanu Atlánticu y pueden algamar los 50 quilos de pesu y los cuatro metros de llargor de los sos cilios.
- Fonte: El Comercio /
