La Sierra de Peñamayor ye perceptible dende un ampliu radiu d’observación de la zona central asturiana. Álzase hasta algamar los 1197 metros nel picu Trigueru, convirtiéndose nun conxuntu de inestimable valor paisaxísticu nel que vamos atopar foces llabraes pola lenta erosión de l’agua na piedra caliar/caliza, según llurdios montiegos d’especies caducifolies como’l carbayu, la castañal o la faya, nes que la fauna montesa como’l alimoche, xabalín o’l corzu convive col ganáu que se nutre de les riques camperes de les fasteres d’esta sierra.
La sierra debe’l so nome al Picu Peñamayor que tien una altitú de 1140m y atópase asitiáu nos conceyos de Bimenes y Nava. Nes fasteres d’esti picu naz el Ríu Pra, tributariu del Ríu Piloña, que de la mesma desagua nel Ríu Sella, en Les Arriondes.
