Esti día conmemora la publicación de la obra L’orixe de les especies de Charles Darwin (científicu británicu y padre de la teoría de la evolución) en 1859.
«Nun ye’l más fuerte de les especies el que sobrevive,
tampoco ye’l más intelixente’l que sobrevive.
Ye aquel que ye más adaptable al cambéu». C. Darwin
Para celebrar esta importante fecha, tenemos d’estimar l’esfuerzu y trabayu realizaos por personaxes importantes de la hestoria como Charles Darwin, Donald Johanson u otros investigadores, quien trabayaron tola so vida para topar respuestes a les múltiples interrogantes sobro l’orixe de la evolución y qu’inda sigue siendo un fondu misteriu pal home actual.
- Publicación de «L’Orixe de les Especies» el 24 de payares de 1859
- Descubrimientu de l’Australopithecus Lucy el 24 de payares de 1974. Wikipedia
- Fonte: El País «El legado de Lucy» /
Nel so llibru, Darwin afirma que toa forma de vida qu’esiste nel planeta tendría un descendiente con antepasáu común. El científicu llega a esta conclusión dempués d’años de minuciosa observación ya investigación y declara que tou se da por una selección natural, que va evolucionando col tiempu hasta convertise nos organismos que conocemos na actualidá.
La teoría de la evolución esplica una serie de conocencies, afayos y evidencies científiques qu’espliquen como asocedió la evolución de los seres humanos, los animales y toles especies qu’habiten nel planeta. Esta teoría encontada nes observaciones d’unu de los homes más importantes de la hestoria, afirma que tolos seres vivos provienen d’un orixe primariu y qu’adulces se van tresformando y evolucionando.
Per otru llau, puede asoceder que los cambeos que se dan n’un mesmu ser o organismu, puedan apaecer n’otres dos especies distintes, con característiques dafechu distintes que dexen estremales unes d’otres, y esto, a la llarga, ye lo que se define como evolución.
Esta evolución ye posible gracies a la selección natural, onde una especie ye capaz d’afaese, ente qu’otra puede escastase. Col pasu de los años, esta teoría haise s’espandió y los especialistes na tema siguen investigando les sos distintes aguaes nel complexu campu de la bioloxía.
Na nueche del 24 de payares de 1974, nun campamentu al nordés d’Etiopía, l’antropólogu estadounidense Donald Johanson y el so asistente Tom Gray bebíen cerveza frío alredor del fueu mientres se cocinaba una cabra a los caricotes. Taben celebrando, al pie de un puñáu de colegues, qu’esa mesma mañana habíen atopáu güesos fosilizaos de lo que paecía ser una especie d’homínidu nunca antes descrita pola ciencia. Cantaron y baillaron al ritmu de la música de los Beatles. Sonó’l so cantar Lucy in the Sky With Diamonds…
Lucy, la madre de tolos homínidos. Asina foi llamada l’homínidu topada’l 30 de payares de 1974 n’Etiopía polos arqueólogos Tom Gray y Donald Johanson. Trátase d’una cadarma abondo bien caltenida de la especie «Autralopithecus afarensis» y que foi noticia alredor del mundu.
Foi atopada en plenu ermu, pero que fai millones d’años yera un llagu. Nel llugar había restos óseos vos d’un animal bien antiguu, onde pudo recuperase casi un 40% d’estos fragmentos como vértebres, quexal, parte de la maxana y el fémur.
Mientres llargos años d’escavaciones, l’equipu de científicos tenía nes sos manos una amuesa de lo que representaba los restos más antiguos y completos d’una mesma especie de lo que s’afayara para esa fecha.
Sicasí, anguaño sábese, qu’esistió otru homínidu anterior que data de siete millones d’años o más, ente que los estudios realizaos nos fragmentos de Lucy son d’aprosimao trés millones d’años.
