- Alborecemos con intervalos nubosos y dalgún xarabatu dispersu con unes tempertures ivernales, alrodiu de los 7ºC, rexistrándose nel puirtu Payares -2,1ºC.
- Güei vamos tener nel cielu nubes ya claros o abancios con un descensu bultable nes temperatures y col aire que dirá perdiendo puxu.
- Mañana sábadu la entrada de vientu ábrigu fadrá que suban con ganes les temperatures, amás dirá ganando fuercia con raches mui fuertes nes zones altes ya en puntos del llitoral. Nel cielu tendremos escasa nubosidá, sicasí na cordelera y fastera más surocidental surdirá nubosidá de retención na cara sur y nel restu dalguna nube alta.
- El domingu seguirán subiendo les temperatures, sobre too les mínimes que nun baxarán de los 15ºC na mayor parte d’Asturies y ye que l’aire ábrigu al so pasu pela cordelera va dexanos l’efeutu foehn, faciendo que se disparen les temperatures n’Asturies, baxando abondo la humedá y que tengamos vientu mui fuerte nes zones altes y espuestes, condiciones estes mui propenses pa que se propague’l fuéu nel monte. Esti día dirá aumentando la nubosidá media-alta pero sin más consecuencies.
- Nel riscar del llunes la entrada d’un frente altlánticu que barrerá Asturies d’oeste a este va apurrinos precipitaciones moderaes y un descensu apreciable de les temperatures, al alborecere disminuirá la nubosidá ya tendremos grandes claros o abancios durante tol día con vientu gallegu que pue ser cafiante nel llitoral y zones altes.
- Paez que’l restu la selmana sedrá mui seliquina ente nubes ya claros y temperatures suaves pa la época na que mos atopamos.
