Nel balance d’entraes y salíes de la comunidá por motivos llaborales, el saldu ye negativu para Asturies, hai más persones que dexen la comunidá en busca d’un empléu (y amás trátase del territoriu nel que más se sale ganando col cambéu) que les qu’entren, pero tamién hai muncha lletra pequena nos detalles d’estos movimientos; pola edá y pol xéneru.
Nun son iguales los cambeos de casa por buscar un nuevu empléu ente los más o los más mayores, y tampoco ye igual la movilidá d’homes y de muyeres, de fechu el Principáu ye la comunidá na qu’hai un mayor porcentaxe de muyeres ente les persones que dexen la rexón por motivos de trabayu, son el 47,9%, el más altu del país al pie de La Rioxa.
Los datos fueron arrexuntaos del informe Movilidá del mercáu de trabayu nes fontes tributaries (correspondientes a los años 2022-2023) de l’Axencia Tributaria.
