» Nublina «- Alborecemos con borrinos y nublines na metá norte d’Asturies, tando escampláu nel restu con unes temperatures que tan alrodiu de los 8ºC, rexistrándose nel puirtu Payares 9ºC.
- Güei los borrinos y nublines del aborecer van seguir siendo persistentes na fastera central asturiana y llitoral oriental, tando escampláu nel restu con unes temperatures condicionaes por esti fenómenu ellí onde seya persistente con mui poca variación térmica, onde salga’l sol les temperatures másimes ascenderán.
- Mañana vienres y el sábadu sedrán díes mui asemeyáos con nubosidá baxa na fastera central y llitoral onde los borrinos y nublines sedrán persistentes, tando escampláu nel restu con unes temperatures que camudarán poco, calteniéndose un ambiente afayaizu ellí onde escample y fresco o fríu onde nun veamos el sol.
- El domingu veremos dalgo más el sol na mayor parte d’Asturies y de cara a fin d’añu va tar escampláu y con xelaes nes zones favoretibles, pa dar pasu probablemente a una ivernada nel entamu de 2025 pero esto yá lu diremos viendo.
