- Fonte: Flor del Agua blogue /Flor Del Agua
- Ogham: BEITH / Piedra: cuarzo / Flor: catasol / Animal: ciervu blancu
La bidul ye un árbol nativu d’Europa y norte d’Asia a la que nomaben “Señora de les Biesques” pola so guapura. Los celtes usaben blimes de bidul pa alloñar l’espíritu del añu vieyu. En dellos llugares d’Europa, tamién yeren emplegaes pa acibiellar a los reos. En marzu , los druides sangraben les bidules y recoyíen la cazumbre o salvia, un símbolu de lliberación de l’espíritu de l’árbol, y con ella facíen una bébora. Representa l’entamu porque les sos fueyes son les primeres en biltar tres de l’hibiernu. Tamién representa la renovación, l’aporte de la primavera, la mocedá y al dios Belenos.
La pallabra bidul deriva del llatín betulla. D’alcuerdu con Ernout y Meillet, esti vocablu tien orixe galu y ta rellacionada con betumen, col significau de betún o galipote, porque na Galia, el bitumen procedía de la savia o resina de la bidul.
Na farmacopea europea la bidul ye ún de los árboles de mayor emplegu poles sos variaes propiedaes. Contien aceites esenciales, flavonoides, taninos, vitamina C y, poro, usos antifúnxicos, cicatrizantes, antisépticos, analxésicos y febrífugos.
Beth/Beith
Beth ye la primera lletra de l’alfabetu ogham. representa’l renacimientu porque la bidul foi’l primer árbol que repobló Europa tres de la Dómina de Xelu. Tien una asociación grande cola primavera y les fiestes de Beltaine. La madera de la que se facíen los mayos yera de bidul y tamién la que s’amburaba nes fiestes de Beltaine.
Cuarzu
Representa l’equilibriu y la perfeción porque descompón la lluz y faila visible. Decíase qu’absorbe les enerxíes ñegatives ya induz a paz mental y la serenidá. Los druides barruntaben que los facía invisibles y con elli podíen viaxar a grandes distancies.
Catasol
Flor que simboliza la pureza, la inocencia y los nuevos entamos. Pa los celtes, cuando un ñeñu morría, los dioses espardíen catasoles so la tumba. Tamién usábenla los druides nes batalles pa sanar les feríes.
Ciervu Blancu
Pa los celtes ye’l representante de la biesca porque la cuerna paez les rames de los árboles; amás múdenla na seronda y xorrez na primavera, como les fueyes de los árboles. La cuerna yera un símbolu de nobleza y maxestá y’l ciervu rellacionábase cola masculinidá y la fertilidá. Esti animal yera’l guía de los viaxes espirituales na gueta de la sabiduría.
Personalidá de les bidules
Pacientes, estrategues na consecución d’oxetivos, les bidules son xente na que confiar y que toma les responsabilidaes del llar mui seriamente, siendo los miembros con más ésitu económicu de la familia. Son reservaos, preocúpense pola salú y suelen ser simpáticos anque tienden a la soledá en cuanto a rellaciones personales.
