- Fonte: La Voz /
- 1º Francia / 2º Estaos Xuníos / 3º Alemaña / 4º Reino U. / 5º Bélxica y Nerlandeses / 6º mexicanos, irlandeses, italianos.
L’añu pasáu foi un exerciciu brillosu para’l sector del turismu n’Asturies, según tolos datos, inclusive los del sector de la hostelería, que presentó les sos cifres más actualizaes en cantu la pasada Nuechevieya, una media añal d’ocupación del 52,44%, lo que supon un puntu más qu’en 2023 y un picu nel mes d’agostu de 2024 nel total d’empleos xeneraos de manera directa pol sector que xubió a 39.126 persones.
Asturies beneficióse de la meyora de les comunicaciones, sobromanera pola apertura de la Variante de Payares, y tamién crecieron los turistes internacionales, ¿quién son, d’ónde proceden, cuál ye’l so gastu na comunidá?
Les respuestes a estes entrugues fueron recoyíes pol Institutu Nacional d’Estadístiques (INE) y colos datos correspondientes al tercer trimestre del añu pasáu, en temporada alta, Francia ye de llueñe l’orixe de la mayor parte de los viaxeros estranxeros que s’averaron al Principáu y tamién son los que, de forma global, más euros gastaren na comunidá: según el INE nesos trés meses los turistes franceses dexaren n’Asturies 19 millones d’euros.
A los franceses sígenlos los turistes procedentes d’Estaos Xuníos, toos ellos nel tercer trimestre del añu gastaren nel Principáu una suma que supera llargamente los 16 millones d’euros. El tercer puestu ye para los alemanes, con 14 millones d’euros y ellos yá los siguen británicos, con más de 12 millones d’euros; belgues y neerlandeses, cada unu d’ellos con daqué más de 9 millones d’euros y tamién casi empataos nun gastu d’en redol a 6 millones d’euros, mexicanos, irlandeses ya italianos.
