Afayos que dexen claro que na etapa tamién había espaciu pa la cultura. Los oxetos y pintures que, a lo llargo de les últimes décades, fueron apaeciendo nes cueves asturianes igüen unu de los repertorios más pervalibles del arte rupestre européu.
La flauta atopada en Tito Bustillo, qu’agora va ser restaurada y estudiada en detalle, va dexar a los investigadores conocer más sobre la vida cultural del Paleolíticu. Marco de la Rasilla, profesor de Prehistoria na Universidá d’Uviéu, recuerda otros afayos clave que se fixeron nos últimos años y que dexen conocer más en fondura cómo foi esta etapa de la Prehistoria.
Nel casu de la flauta de Tito Bustillo, lo que toca agora ye datar la pieza. Daqué pa lo que, esplica, hai delles opciones. Un pasu más pa conocer meyor de qué forma tuvo presente la música na Prehistoria.
