- Fonte: El Comercio / mapa /
u El tiempu n’Asturies para esti vienres, 3 de xineru va traer la primer xornada lluviosa del añu na rexón. Les temperatures, eso sí, van xubir dellos graos.
- Esperamos cielos nublos o bien nublos que van dexar precipitaciones de calter débil partíes pola rexón y que podríen dase tantu pela mañana como pela tarde.
- En llínees xenerales, espérense un rexistru de siquier 10/15 llitros per metru cuadráu mientres tol día na mayoría de poblaciones asturianes, anque va haber puntos como en zones del occidente y tamién nel cordal oriental onde podrán atropase más de 30 llitros per metru cuadráu a lo llargo de la xornada.
- Los vientos van predominar de suroeste con raches moderaes nel occidente y altu monte con raches que podríen algamar los 60 km/h. Nel restu, estos vientos van ser más fluexos.
- Les temperatures máximes van xubir nel occidente (ellí onde les raches de vientu son más significatives) y podríen baxar llixeramente nel oriente.
- Les mínimes, sicasí, van xubir de forma notable tantu nel centru como nel oriente (hasta 6 ºC más qu’ayeri xueves), tamién van xubir anque de forma más moderada nel suroeste.
- Nel cuadrante noroccidental, sicasí, les temperatures mínimes nun se van ver alteriaes al respective de les anotaes el día anterior.
- Mañana sábadu van predominar los vientos de suroeste-sur, espérense nubes altes y una baxa probabilidá de precipitaciones.
- Van Xubir tanto les máximes como les mínimes.
- El domingu prevense fuertes vientos de sur con un nuevu ascensu térmicu.
- Espérase un ambiente térmico bien prestosu pa les Cabalgates de los Reis Magos en tol Principáu (ente 13 y 16 ºC al anochecer).
