«Les temperatures siguen subiendo y la lluvia retirase»
- Alborecemos con nubosidá que ye más abondosa na fastera surocidental d’Asturies onde tienen precipitaciones febles. Les temperatures ronden los 13ºC y nel puirtu Payares rexistren 3,4ºC.
- Güei vamos tener intervalos nubosos con apertura de dalgunos claros o abancios nes hores centrales del día, sicasí na fastera surocidental d’Asturies la nubosidá sedrá más abondosa ya tendrán dalguna precipitación feble por retención. Les temperatures n’ascensu y l’aire ábrigu que pue soplar con raches moderaes en zones altes de montaña.
- Mañana domingu veremos más el sol y subirán moderadamente les temperatures por mor del efeutu foehn que fae l’aire ábrigu al pasu pela cordelera onde va soplar con fuercia, nel cielu tendremos grandes claros o abancios con tiempu mui seliquinu pa les cabalgates de reis.
- Tolo contrariu al alborecer del llunes cuando una borrasca de pasu rápidu pel Cantábricu va dexanos una rolada de vientu apurriéndonos, vientos mui fuertes racheados, un descensu moderáu de les temperatures y precipitaciones que mos va empobinar un frente asociáu a la mesma, amás el descensu de les temperatures fadrá que surda la nieve perriba de los 1200m.
Durante’l día abriranse dellos claros o abancios ya tendremos vientu gallegu que pue ser cafiante nel llitoral y zones altes de montaña.
