El Texu ye l’árbol sagráu na mitoloxía asturiana, representa el vínculu del pueblu asturianu cola tierra, cola relixón antigua, colos antepasaos.. Ye tamién l’árbol de la oscuridá, de la muerte. Col venenu del texu suicidábense los guerreros astures anantes de ser vencios y cayer na esclavitú. Na batalla del Monte Medulio los astures diéronse muerte coles espades, ye’l venenu de texu.
Esti árbol simboliza el pasu a l’otru Mundu, inda güei el Texu tien gran importancia nes celebraciones del Día de Difuntos, llevase-yos a los muertos una ramina para que-yos guíe nel so retornu de’l País de les Sombres.
La nueche San Xuan los mozos prendíen unes ramines de Texu nes puertes o ventanes, en ca la so namorá. El Texu ta presente na Asturies, lo mesmo na fiesta de la vida, como na de la muerte. El Texu ye la vida eterna poles sos fueyes perennes, pero tamién ye la muerte, tou el ye venenosu, fueyes, corteza y frutu, anque l’arillu que lu protexe nun lo ye (lo meyor ye non probalu)…(Maxi)
