Tou ello tan necesariu na dómina en que vivimos d’individualismu. N’una comunidá, Asturies, na que los raigaños fundinse nun ricu folclor y na qu’esisten múltiples estudios qu’ayuden a llevar alantre’l deber moral de caltener esti pasáu.
Canteli faló del papel dinamizador de l’asociación, nacida a finales del añu 2024 que naz para xunir lo rural cola vida de la villa, xuna asociación entornada nel folclor que, a pesar de la so curtia trayectoria, yá vien realizando actividaes consolidaes y collaboraciones con otres asociaciones “trátase d’apurrir el nuesu granín d’arena a la vida de la villa que se va materializar nuna serie d’actividaes, unes con calter permanente y otres de forma puntual”.
Tocó-y el vez de palabra a l’artesana Paz González Mesa, profesora de pandereta y baille tradicional que s’imparten na Panera que faló d’activismu cultural, comparando con humor a estos activistes (entre los que s’atopen los miembros de la nueva asociación) como cabres que tiren al monte a buscar xuntes el meyor alimento aquel que “enllena l’espíritu ” y que nesti casu esi conxuntu de persones inquietes atopó nel formatu d’asociación la meyor forma para alimentase xuntes y que esi alimentu sía a partir d’unes actividaes nun formatu abiertu que-yos dexen crecer en conocencia del folclor.
Pero tambien hubo tiempu para ponese seria y aprovechó la ocasión para llamentar la inesistencia d’un grau universitariu d’Antropoloxia y Etnografía na Universidá d’Uviéu lo que conduz al desconocimientu y la perda irreparable del nuesu patrimoniu inmaterial si nun fuera porque munchos lleven añu “picando piedra” para referise a los esfuerzos individuales de tantos investigadores que nos dexen tener grabaciones orixinales y estudios importantes sobre la materia” estos trabayos son la fonte de la que beben estos activistes y militantes culturales “con ganes de faer coses por y dende el territoriu, con ganes de sumar nesti proyectu comuñal, sobremanera pa la xente que vien detrás”.
Nel ánimu de l’asociación “que trespasa les fronteres del conceyu” el compromisu y la dedicación para establecer llazos con otres asociaciones. Nel horizonte tamién, tresmitir la idea de que’l folclor también componse de la indumentaria y pola recuperación y la so conocencia tamién hai que trabayar. Na presentación d’ayeri pudieron contemplase distintos traxes tradicionales pertenecientes a los integrantes de l’asociación, ganadores nes sos ediciones del Concursu Indumentaria que se celebra en Grau l’últimu domingu de setiembre.
Remató l’actu la vicepresidenta qu’estimó la presencia de los asistentes y fixo un curtiu resume de les actividaes que s’entamaron hasta la fecha como un taller d’acercamientu a la gaita y de les que s’entamaren a futuru. Nel horizonte inmediatu un taller de “texíu de medies” para indumentaria tradicional. Cerraron l’actu interpretando trés pieces con panderu, acordión y gaita, “garráivos de Tresmonte”, una jota de Cangas y “pedretes de Babia”, de siguío treslladáronse a una sidrería de la zona onde compartieron una espicha con amigos y familiares.
