- Alborecemos col cielu nuboso na metá ocidental, tando más escampláu na oriental con unes temperatures que tan alrodiu de los 8ºC, rexistrándose nel puirtu Payares 4,5ºC.
- Güei vamos tener un día mui asemeyáu al d’ayeri col cielu con nubes medies y altes, temperatures suaves y vientu ábrigu en zones altes de montaña.
- Mañana xueves más de lo mesmo, nubes medies y altes, ambiente primaveral con másimes que puen averase a los 20ºC.
- El vienres arreciará l’aire ábrigu que fadrá que se disparen les temperatures en superficie durante’l riscar con un ascensu moderáu por el efeutu foehn que fae al pasu pela cordelera onde les raches puen ser fuertes y cafiantes. Durante la tarde un frente asociáu a una vaguada atlántica mos dexará precipitaciones xeneralizaes, sobre too al atapecer cuando sedrán más abondoses, amás d’un descensu de les temperatures que fadrá que nieve na cordelera perriba de los 1700m al finar el día.
- El sábadu tendremos intervalos nubosos entemecios ente dellos claros o abancios cola posibilidá de que caiga dalgún xarabatu feble ya dispersu, sobre too pela tarde con unes temperatures en descensu.
- El domingu nun lloverá y saldará’l sol con un nuevu ascensu de les temperatures.
