- 🟣El feminismu ye una llucha pola igualdá de los homes y les muyeres, les neñes y los neños
- 🟣El feminismu quier qu’haya más muyeres nos llibros de testu, y que les neñes tengan referentes por que apuerten a presidentes, futbolistes o astronautes
- 🟣El feminismu llucha por que les neñes nun piensen que son menos llistes yá con seis años, y por que sepan que nun ye importante ser guapa nin tar delgada, y amen el so cuerpu
- 🟣El feminismu llucha por que nun haya xuguetes de neños nin de neñes, por que los colores sían de toos y toes y que cada cual se vista como quiera
- 🟣El feminismu llucha por que padres y madres compartan por igual les xeres: camudar pañales, faer la comida, recoyer nel colegio o llimpiar la cocina
- 🟣El femimismu diz que neños y neñes tienen que collaborar por igual nes xeres de casa
- 🟣El feminismu llucha tamién porque los neños varones xuegen a lo que quieran y vístanse con los colores que más-yos gusten y puedan llorar ensin tener que ser los más fuertes o los más valientes siempres.
