El tiempu n’Asturies

Tres la soleyera xornada del domingu, esti llunes volveremos tener un día marcáu pelos cielos pocu nublos o estenos en tol Principáu d’Asturies. Con éses vamos concluyir el mes con unes condiciones meteorolóxiques totalmente estables. Amás, les temperatures van siguir a l’alza.

• Les temperatures máximes van xubir hasta 5 ºC na metá sur, ente que na metá norte l’ascensu va ser más moderáu que va rondar los 3 ºC aprosimao. D’esta forma, munches poblaciones podríen averase a los 20 ºC. Les mínimes nun van variar enforma pero sí que va haber zones que, de forma local, puedan esperimentar dellos ascensos (especialmente na zona oriental asturiana). Los vientos van ser fluexos y variables nel interior, y de componente este na mariña con raches moderaes.
• El martes vamos empecipiar el mes d’abril con otra xornada con bon tiempu.
• Pero, para los siguientes díes, ye posible que veamos influyíos pola presencia d’una umbada atlántica que podría dexar dellos bastios, siquier, nel cordal y sector occidental. Los vientos van predominar de sur para esos díes polo que nun se preve que baxen les temperatures. Tou apunta a una situación típica na que cuanto más nos movamos escontra l’oriente y escontra la mariña menos se van notar les consecuencies de la umbada atlántica.