Esconsueñu ye’l primer single del álbum «Por un puñáu de versos».
Poema d’Esther García López
Esconsueñu ye un poema d’Esther García López, musicáu por Haim Álvarez y grabáu nos estudios La Nozal, so la producción de Fernando Malva y los arreglos d’Alfredo Morán. El videuclip ta realizáu y montáu por Néstor Fernández (Bálticu), con guión d’Haim Álvarez.
Siempres ye bien prestoso que reconozan el to trabayu, y más si tien que ver con una de les tos grandes pasiones, que nel mio casu ye la composición. “Esconsueñu”, unu cantar que tuvo como xerme un preciosu poema n’asturianu occidental de @estherpecera , foi nomada na categoría de “Cantar otres escenes” nos premios AMES de la música n’Asturies.
A parte del agradecimientu y norabona a Esther pol so inspirador poema, hai muncha xente detrás d’esti enorme trabayu: @moranlada nos arreglos, Fernando Malva na producción, @chusoto1 na flauta trevesera y Begoña Venegas nes voces, el rabel y la percusión. Munches gracies y, sobremanera, nun dexéis d’escuchar ESCONSUEÑU y de ver la so videuclip!
