- Alborecemos col cielu nuboso y dalgo d’orpín con unes temperatures que tan alrodiu de los 7ºC, rexistrándose nel puirtu Payares -2,5ºC onde nieve feblemente.
- Güei la llegada d’un masa d’aire fría continental emborriada pol vientu nordés va dexanos un descensu moderáu de les temperatures amás de nubosidá de retención col dalgo d’orpín nes zones espuestes como nos cordales costeros, tando más escampláu na fastera surocidental d’Asturies. Nevará perriba de los 800m pero de manera testimonial y l’aire nordés va soplar cafiante nel llitoral baxanto entovía más la sensación térmica.
- Mañana domingu alboreceremos col cielu nuboso y precipitaciones febles ya disperses que sedrán de nieve perriba de los 700m pa dir meyorando pela tarde cuando tendremos intervalos nubosos entemecios ente dellos claros o abancios. L’aire nordés dirá amenorgando y les temperatures seguirán siendo baxes con ambiente ivernal.
- El llunes dempués d’una nueche fría la llume del sol dirá caleciendo l’ambiente con subida de les temperatures másimes a partir del mediudía.
