La estrella arxentina comparte toles celebraciones del equipu asturianu del so cantar al pie de Luck Ra.
- Bizarrap: Canal Youtube / wiki / web /
El Real Avilés ta en dinámica positiva, ensin perder dende’l mes d’avientu y lluchando pol ascensu a Primer RFEF, la tercer categoría del fútbol nacional. Sicasí, una de los intereses más surrealistes d’esti equipu asturianu esta temporada ta rellacionada con unu de los sos aficionaos. Los del Román Suárez Puerta tienen como fan a una de les estrelles más reconocíes del mundu de la música llatina nos últimos años, el productor musical Bizarrap.
L’artista arxentín ye unu de los más reconocíos a nivel mundial dientro del so gremiu tres collaboraciones con Quevedo, Shakira o Nathy Peluso que superen los cientos de millones de reproducciones y ye, posiblemente, el siguidor más popular del conxuntu asturianu. Con más de 27 millones d’oyentes mensuales, el músicu ye conocíu polos sos «Bzrp Music Sessions», onde se xunta con cantantes davezu llatinos para crear cantares qu’acostumen a convertise en hits y superar #ualquier frontera hispanofalante.
Bizarrap «viraliza» la celebración del Real Avilés frente al Pontevedra Carlos
El so últimu llanzamientu foi n’avientu 2024, col Volume 61» de los sos «Bzrp Music Sessions». En dicha ocasión xuntose con Luck Ra, un cantante tamién arxentín realmente reconocíu por cantares como «La Morocha» o «Hola Perdida», dos tarrezas que superen llargamente los 150 millones d’escuches namá en Spotify.
La collaboración ente dambos foi un ésitu y yá cunta con más de 60 millones de reproducciones solamente na plataforma de streaming musical sueca. Esto provocó que’l Real Avilés adoptase como himnu esta temporada pa celebrar les sos victories. Un fechu normal nuna plantiya con xugadores nuevos, pos esto tamién asocede en clubes como’l Mirandés de Segunda División, que festexa col cantar «La Morocha» del mesmu artista.
Sicasí, lo surrealista llega agora. El club asturianu aveza a xubir a les sos redes sociales los vídeos nos que se ve a los sos futbolistes celebrar les victories y el productor musical resube toos les fines de selmana les stories na so Instagram por que les sos más de 20 millones de siguidores puedan velo y esfrutar de les victories del conxuntu asturianu.
Amás, nos postreros «post», l’arxentín animase con mensaxes d’ánimu ya inclusive s’amuesa sosprendíu cola gran racha na que ta somorguiáu l’equipu de Javi Raspiada. Tres la victoria por 4-3 énte’l Escobedo cántabru nel Román Suárez Puerta, l’arxentín reaccionó públicamente al vídeu del Real Avilés n’Instagram con un «nun paran de ganar los pibes». Y ye que los asturianos asitiáronse na tercer posición del Grupu 1 de Segunda RFEF y tienen munches posibilidaes d’apostar la promoción d’ascensu a Primer RFEF.
