Ye’l Establecíu pola Organización Mundial de la Propiedá Intelectual (OMPI) para concenciar sobro la importancia de los derechos de propiedá intelectual (PI) y promover la innovación y la creatividá en tol mundu. La propiedá intelectual abarca una amplia gama de derechos, como patentes, derechos d’autor, marques comerciales y diseños industriales, y desempeña un papel crucial nel fomentu de la innovación y la creatividá en toles árees de la vida.
Día Mundial de la PI 2025: Siente’l ritmu de la PI
Imaxina un mundu ensin música
Ensin ritmos para baillar.
Ensin melodíes que nos trescalen.
Ensin lletres que cunten hestories.
Ensin música la vida sería vacida y gris.
Na música palpita el llatíu de la vida.
Conéctanos
inspíranos
y fainos sentir vivos.
Por que la música siga sonando
los músicos tienen de recibir sofitu
para ganase la vida coles sos obres.
Toles formes de propiedá intelectual
empresten sofitu a los músicos
y a una vibrante escena musical.
Gracies a ello la música floria
y los artistes pueden centrase en crear
la música qu’amamos.
Bailla al ritmu de la música. Al ritmu de la PI.
Celébrase añalmente’l 26 d’abril. La Organización Mundial de Propiedá Intelectual (OMPI) instauró esta celebración el 3 d’ochobre del añu 2000 para sensibilizar a la opinión pública sobro la incidencia de les patentes, el derechu d’autor, les marques y los dibuxos y modelos (diseños) na vida cotidiana y celebrar la creatividá y la contribución de los ceadores ya innovadores al desenvolvimientu de les economíes y sociedaes de too el mundu. Escoyóse’l 26 d’abril como fecha del Día Mundial de la Propiedá Intelectual porque coincide cola fecha en qu’entró a valir, en 1970, el Conveniu qu’establez la Organización Mundial de la Propiedá Intelectual. El Día Mundial de la Propiedá Intelectual ye la mayor campaña de divulgación pública de la OMPI en materia de propiedá intelectual (PI).
