- Fonte: Actualidá Asturies /
Educación pon nomes n’asturianu a los catorce centros de nueva creación de la fase 2 de la rede de Les Escuelines/As Escolías. Los nomes son de procedencia variada, anque predominen los alusivos al mundu infantil y los xuegos tradicionales (Los Rebusquinos, Los Pericos, El Boliche, Trebeyos, Cucurrabucu) y a la flora y la fauna (Los Ablaninos, La Cerezal, Les Curuxines, La Foquina).
La Conseyería d’Educación punxo nomes oficiales n’asturianu a los catorce centros de nueva construcción previstos na fase 2 del esplegue de la rede autonómica, pública y gratuita de Les Escuelines/As Escolías para alumnáu de 0 a 3 años. La denominación supon el pasu previu a la so creación alministrativa, que tendrá d’aprobar el Conseyu de Gobiernu.
Al igual qu’asocedió coles 31 escuelines de la fase 1, la conseyería encargóse de buscar nomes autóctonos, atendiendo a les peculiaridaes de cada conceyu. La conseyería buscó palabres autóctones venceyaes a los territorios col respaldu de los conceyos. Darréu, les denominaciones propuestes consensuáronse colos conceyos.
Los nomes son de procedencia variada, anque predominen los alusivos al mundu infantil y los xuegos tradicionales (Los Rebusquinos, Los Pericos, El Boliche, Trebeyos, Cucurrabucu) y a la flora y la fauna (Los Ablaninos, La Cerezal, Les Curuxines, La Foquina).
Hai un topónimu, La Xungarosa, que ye como se conoz tradicionalmente al barriu avilesín de La Lluz, y dos alusiones a la hestoria local: Los Condalinos, en Noreña, y Los Vaqueirinos, en Tinéu. A lo último, dos escuelines d’Uviéu lleven el nome del matrimoniu formáu por Pinón y Telva, los dos personaxes creaos pol dibuxante Alfonso Iglesias.
Per otru llau, la fase 2 de la rede educativa inclúi la creación d’unidaes en cinco escueles municipales yá esistentes. Trés d’elles tienen un nome propiu: La Oliva (Villaviciosa), La Marinera (Carreño) y Pinín (Navia), ente que les otres dos caltienen, pel momento, el del conceyu: El Franco y Pravia.
De siguío detállense les nomenclatures por conceyu y centru educativu de referencia:
|
Concejo |
Nombre de la escuelina |
Centro de referencia |
| Allande | Los Ablaninos |
CPEB Pola de Allande |
| Avilés | La Foquina |
CP Marcos del Torniello |
| Avilés | La Xungarosa |
CP Poeta Juan Ochoa |
| Cangas del Narcea | El Boliche |
CP Obanca |
| Castrillón | La Cerezal |
CP Manuel Álvarez Iglesias |
| Gijón | Los Rebusquinos |
CP Montevil |
| Gijón | Trebeyos |
CP Los Campos |
| Gozón | Les Curuxines |
CRA Cabo Peñas |
| Mieres | Cucurrabucu |
CP Teodoro Cuesta |
| Noreña | Los Condalinos |
CP Condado de Noreña |
| Oviedo | Los Pericos |
CP La Gesta |
| Oviedo | Pinón |
CP Pablo Miaja |
| Oviedo | Telva |
CP El Villar |
| Tineo | Los Vaqueirinos |
CP Pascón |
