A lo llargo de la mañana podríen apaecer les primeres agües pel oeste y van dir estendiéndose col intre de les hores al restu.
Vamos amanecer con unes condiciones meteorolóxiques relativamente estables cuidao que la probabilidá de precipitaciones va ser bien baxa. A lo llargo de la mañana podríen apaecer les primeres agües pel oeste y van dir estendiéndose col intre de les hores al restu. Concretamente, la segunda metá del día encárase con una mayor probabilidá de precipitaciones.
La cota de nieve va rondar los 900 o 1000 metros aprosimao mientres tol día. Les temperatures máximes van caltenese al respective de les del martes polo que va ser una xornada un tanto embruscada. Les mínimes van baxar na metá oriental y van caltenese ensin cambeos na occidental.
Los vientos van empezar soplando de suroeste con raches moderaes, anque se van afitar d’oeste a partir del mediudía con posibles raches localmente fuertes na mariña nel momentu del xiru anque rápido va menguar la intensidá.
Para’l Xueves Santu esperamos bon tiempu con nubes y escamplaes en llínees xenerales. Nun se refuguen delles precipitaciones débiles nel terciu occidental a la fin del día. Les temperatures van xubir gracies a un predominiu de vientos de suroeste.
El Vienres Santu vamos tener una mañana estable con temperatures bien prestoses debíu nuevamente a vientos de componente sur.
Pero preven agües xeneralizaes a la fin de la xornada que va ser l’entamu d’una fin de selmana inestable n’Asturies.
