Estes son los trés mines qu’Asturies caltien actives inda: privaes y nel Suroccidente Ibias, Tinéu y Cangas alluguen les últimes esplotaciones d’una rexón que llegó a dar 29.000 concesiones en dos sieglos d’hestoria hullera. Son: Miura (Ibias), Pilotuertu (Tinéu) y Vega de Rengos (Cangas del Narcea).
- Fonte: LNE /
Delles son les esplotaciones que se caltuvieron n’activu na rexón, la gran parte nel Suroccidente asturianu y toes elles de calter priváu, tres del zarru del pozu Nicolasa, en Mieres, esplotáu por Hunosa.
La mina Miura (Ibias), esplotada por Carbones de la Vega, ye una de les esplotaciones qu’inda se caltien n’activu. La compañía nun se centra na estracción de carbón térmico para la xeneración d’eletricidá, sinón n’una antracita considerao d’alta calidá o «premium». Producen de media unes 50.000 tonelaes al añu.
En Tinéu, atópase la mina Pilotuerto, esplotada por Natural Mining Resources 1926 (NMR). La empresa cerró l’alcuerdu de compra va cinco años col enfotu de esportar la so antracita al traviés d’El Musel. Precisamente, esti material tuviérase estrayyendo mientres 60 años para destinalo a la térmica de carbón de Sotu de la Barca, de Naturgy (Unión Fenosa). En mayu de 2022, NMR llegó a un alcuerdu col empresariu mineru Victorino Alonso, propietariu de Minerales del Bierzo, pa poder siguir cola esplotación.
La postrera, Vega de Rengos, en Cangas, depende de la empresa TYC Narcea. En Degaña, onde se produció l’accidente, Blue Solving a tendría permisu para llabores d’investigación, amás, Combustibles Asturiana y Lleonesa, del mesmu propietariu, podría tener vixentes permisos para la mina de cielu abiertu.
Per otru llau, el Principáu informó a finales del añu pasáu que, naquel momentu, taben desenvolviéndose n’Asturies una trentena de proyectos d’investigación amestaos a la minería.
