La Conseyería de Cultura remató la llimpieza de pintaes nel antiguu pobláu d’A Paicega (Pezós)🧼🎨, un llugar con gran valor históricu y emocional pa la zona.
La conseyera Vanessa Gutiérrez tuvo nel complexu xunto a l’alcaldesa de Pezós, Lucía Villanueva, y el director xeneral de Patrimoniu Cultural, Pablo León, pa conocer de primer mano’l resultáu d’esta actuación. Aplicáronse técniques específiques pa protexer les superficies orixinales d’esti enclave incluyíu nel Inventariu del Patrimoniu Cultural d’Asturies 🧱📜
➕ℹ️🔗 actualidad.asturias.es / Turismu Asturies / Reel /
L’aldega medieval d’Argul y el pobláu d’A ‘Paicega son dos de les xoyes que te aguarden nel conceyu de Pezós, nel occidente d’Asturies. Ensin dulda, un interesante viaxe al pasáu.
El conceyu de Pezós ye unu de los más pequenos del Principáu d’Asturies, sicasí, atesora auténtiques xoyes del nuesu patrimoniu que, ensin dulda, tienes de conocer. Nesti artículu propóngote dos rutes sencielles por esti abrupto territoriu del suroccidente asturianu que vas poder faer a cuerpu, en bicicleta o nel to propiu vehículu y te van averar a l’aldega medieval d’Argul y el pobláu abandonáu d’A Paicega. ¡Un auténticu viaxe al pasáu!
Pezós, capital del conceyu – El puntu de partida
La parroquia de Pezós ye la única del conceyu y tamién la so capital. Cuenta con un muséu dedicáu al vinu y ye que, nesta zona serrapatosa del Occidente d’Asturies, cultívase la vide. Tamién practiquen la viticultura n’otros conceyos vecinos que gocien del mesma microclima particular, cuntando inclusive cola so propia denominación d’orixe, la D.O. P. Cangas.
En Pezós tamién destaca la Ilesia románica de Santiago y el Palaciu de Ron, construyíu nel sieglu XVII para Álvaro Díaz, descendiente d’un poderosu llinaxe bien popular nes tierres nutríes pelos ríos Eo y Navia.
