Morrió Francisco, el Papa más humilde

• «Sían revolucionarios.
  Tengan el coraxe de dir contra corriente.
  Tengan el coraxe de ser felices».
  
• «La educación ye l’alimentu del alma y del espíritu»
• «La paz ensin amor, ensin amistá,
  ensin tolerancia y ensin perdón nun ye posible»
• «El primeru en pidir esculpes ye’l más valiente.
  El primeru en perdonar ye’l más fuerte.
  El primeru n’escaecer ye’l más feliz»
• «Aprendamos a estimar a los amigos
  la so amistá, ciñu, enfotu y, sobremanera,
  el tiempu qu’inverten en nós»

La mañana de güei 21 d’abril 2025 morrió’l Papa Francisco a los 88 años d’edá, depués d’entueyos de salú. Jorge Mario Bergoglio, arxentín, había estáu enfermu mientres los últimos meses. Apocayá, tuvo hospitalizáu, pero’l Papa Francisco salió del hospital y llogró participar en delles actividaes per Selmana Santa 2025.

Precisamente, el sumu pontífiz apaeció na Basílica de San Pedro para dar la bendición Urbi et orbi énte un ensame de pelegrinos católicos presentes na plaza d’El Vatiano aconceyaos nel Domingu de Resurrección.

A lo llargo del so pontificáu, el Papa Francisco destacó polos sos poderosos discursos sobro temes como la humildá, la humanidá, la paz, la guerra y el cambéu climáticu. Les sos palabres, siempres fondes y llenes d’esperanza, buscaben llegar especialmente a les nueves xeneraciones y fortalecer la fe en distintes comunidaes alredor del mundu.