El Grupu Seis Conceyos revive los xuegos rurales y autóctonos.
Sariegu ye un conceyu mui venceyáu al deporte tradicional. El Grupu Seis Conceyos amuésalo bien. Nació nos años 90, una dómina na que los xuegos rurales y autóctonos yá taben en decadencia.
- Nun principiu diben llamase ‘Sariegu’, pero finalmente bautizáronse como ‘Seis Conceyos’, al venir de dellos conceyos cercanos.
- Tán federaos, y anguaño son unos 20 integrantes.
- Ente los festexos de Sariegu destacamos los de Santiago, onde lo más característico ye’l ‘Rural Prix’, una popular yincana.
Les fiestes de San Pedrín de la Cueva, el tercer fin de selmana de agostu, recuperáronse fai 47 años. Nelles el párrocu fai una misa en llingua asturiana dientro de la mesma cueva, onde s’habilita un escenariu. Son los festexos más multitudinarios del conceyu, nos que se funde natura, cultura, deporte y devoción. El fomentu de la llingua y la cultura asturiana tamién se ve reforzáu al traviés d’un itinerariu denomáu ‘Ruta de la toponimia’. Un paséu pelos distintos pueblos y aldees de Sariegu, p’afayar l’orixe de los sos nomes. Per estos caminos tamién podemos atopar una decena de llavaderos, rehabilitaos va unos años. Otru símbolu de la cultura saregana.
